“Derbi në errësirë”, mediat italiane shkruan për incidentin në Tiranë

Këtë shkrim sajti italian e ka shoqëruar dhe me pamje filmike nga transmetimi televiziv në ShqipëriErrësira që pushtoi stadiumin “Selman Stërmasi” mbrëmjen e djeshme gjatë minutës së 63’ të takimit Tirana – Partizani ka marrë vëmendjen edhe të mediave të huaja.

Njëra prej tyre është dhe e përditshmja italiane “La Gazzetta dello Sport” e cila i ka kushtuar disa rrjeshta edhe këtij incidenti të ndodhur në kryeqytetin tonë.

“40 minuta  pezull për derbin e kryeqytetit shqiptar mes Tiranës dhe Partizanit për shkak të një ‘black-out’-i në impiantin e ndriçimit të stadiumit. Tifozët kanë përfituar nga rasti për ta kthyer atmosferën në një festë të vërtetë duke ndriçuar stadiumin me telefona dhe mjete të tjerë të ndryshëm dhe duke kënduar në mbështetje të skuadrave të tyre derisa u vendos që ndeshja nuk do të rifillonte”, shkruhet në sajtin e medias italiane.