Deputeti i Lëvizjes Socialiste për Integrim, Gjovalin Kadeli ndodhet në gjendje të rëndë shëndetësore. Mësohet se deputeti prej disa ditësh tashmë ka qenë i shtruar në QSUT, pasi ishte diagnostikuar me një sëmundje të rëndë.
Ende nuk dihet se për çfarë sëmundje bëhet fjalë, megjithatë sipas gazetës “Panorama” ai sot është dërguar jashtë vendit për kurim, duke lënë të nënkuptohet se bëhet fjalë për diçka tej mase serioze.
Kadeli është nga politikanët, i cili i ka provuar të treja partitë kryesore në vend, edhe PS-në, edhe PD-në, edhe LSI-në, ku bën pjesë aktualisht.
Para zgjedhjeve parlamentare të 23 qershorit 2013 Kadeli ka qenë deputet i Partisë Socialiste, mirëpo pas disa kontraditave me Edi Ramën, në zgjedhjet e 2013-ës ai u bashkua me PD-në. Pas marrjes së mandatit të deputetit, Kadeli ndërroi edhe një herë tjetër parti duke u bashkuar me LSI-në.(D.D/Shuplaka)
Discussion about this post