Pak minuta më parë, një ngjarje e veçantë ka ndodhur në kryeqytet kur dy protesta janë bashkuar në një, si revoltë e përbashkët ndaj kryeministrit Edi Rama, pavarësisht qëllimeve të ndryshme.
Disa prej aktorëve të Teatrit Kombëtar u janë bashkuar në protestë qytetarëve tek Drejtoria e Policisë së Tiranës për lirimin e banorëve të Kukësit që dogjën sportelet e tarifës në Rrugën e Kombit duke mundësuar sërish lëvizjen pa tarifë të automjeteve.
Derhemi u shpreh se problemi i shqiptarëve është kryeministri i papërgjegjshëm.
“Arsyeja është një dhe e vetme. Shqiptarët kanë një shtet të papërgjegjshëm dhe një kryeministër të papërgjegjshëm.
Nuk e kuptoj si mund të jenë kaq pak njerëz këtu, sot duhet të ishte gjithë Tirana.” – tha aktori i Teatrit Kombëtar.
Derhemi i ka bërë thirrje Ramës të tërhiqet nga qeverisja:
“Unë kisha vetëm një gjë. Një person po na mban varur gjithë shqiptarëve dhe ky është Edi Rama. Unë i bëj thirrje t’i vërë gishtin kokës.
Ai nuk duhet të qeverisë më këtë vend sepse është i papërgjegjshëm.” – tha ai në prononcimin për mediat
Ndërsa, në solidaritet me banorët e Kukësit dhe gjestin e tyre të protestës, aktori Arben Derhemi deklaroi se:
“Edhe unë jam barbar, jam një prej këtyre.”
(E.L/Faxweb)
Discussion about this post