Prej dy ditësh tashmë ka nisur testimi i kalimit mer pagesë në ‘’Rrugën e Kombit”. Po nëse fillimisht u raportua për një tarifë bazë prej 5 eurosh, situate duket të jetë edhe më e keqe.
Pesë euro do të paguajnë vetëm automjetet që klasifikohen si vetura, për kamionët e tonazheve të rënda tarifas shkon më shumë se 20 euro.
Pagesa do të bëhet si më poshtë;
Klasa 1 motorr- 2.5 euro
Klasa 2 veturë- 5.0 euro
Klasa 3 autobus & kamioncinë- 11.2 euro
Klasa 4 kamion i mesëm- 16.2 euro
Klasa 5 kamion i rëndë- 22.5 euro
Krahasuar me vendet e tjera të Europës, dhe duke marrë parasysh zhvillimin ekonomik të vendit, kjo është një shifër vërtet e lartë. Reagime të shumta kanë pasuar në të dy shtetet, si në Shqipëri ashtu edhe në Kosovë.
Ministri i Infrastrukturës në Kosovë, Pal Lekaj është shprehur dje se askush nuk i ka lajmëruar se do të ketë taksë rrugore për Rrugën e “Kombit”.
“As një konsultë nuk kanë bërë me Kosovën. Është dashur të paktën të bisedojnë dhe të na tregojnë për këtë takes. Të hënën, do t’ua bëj një shkresë zyrtare për një takim dhe të shohim.
Realisht, është taksë e madhe për shqiptarët”, ka shtuar ai. (E.K/FAXWEB)
