“Derisa Lulzimi të kuptojë si nje lider opozite shfaqet si alternativë, populli deri atëherë do ketë gjetur një alternativë tjetër”

Gazetari Bledian Koka ka kritikuar kreun e PD-së Basha për mënyrën se si po bën opozitë. Përmes një postimi në Facebook, ai shkruan se derisa Basha të kuptojë se si një lider shfaqet si alternativë për popullin e tij, populli do ketë gjetur një alternativë tjetër, që Basha nuk ishte kurrë.

Koka shkruan se kreu demokrat nuk është në gjendje të krijojë frymë, ndërsa nuk kursen kritikat edhe për ata që ai solli në parti, pasi sipas tij nuk përfaqësojnë asnjë element sigurie për markën që mbart PD.

Postimi i plotë:

300 ditet e Basha2 
“Qeverise i vjen fundi kur e do populli”- perifrazoi Lulzim Basha fjalet e John Lennon per te thene sesi e shikon ai rrezimin e Edi Rames. Edhe me i nenshtruari popull reagon, por kur opozita eshte vertete, kur opozita nuk eshte ne gjume dhe eshte i lidhur realisht me kete vend. Lideri opozites nuk mund te jetoje part-time ne Shqiperi, dhe gjate ketyre vizitave te ftoje popullin te dale ne proteste se ashtu eshte nje muhabet. Lulzim Basha nuk eshte ne gjendje te krijoje fryme, per te bere kete ka deshtuar cdo dite. Lulzim Basha thote se ai nuk ka krijuar nje grup parlamentar me elemente kriminale, por nga ana tjeter harron qe i dha demokrateve nje grup eunukesh politike te rinj qe nuk perfaqesojne asnje element sigurie qe bart ne vetvete marka e PD-se. Lulzim Basha permend cdo dalje publike te riun Estref Halilin qe vrau veten per dy grame hashash ne, por nuk ia permend dot shqiptareve emrat e oligarkeve qe po ia marrin frymen ekonomikisht te njejteve. 300 dite opozite te Lulzim Bashes nuk kane asnje ndryshim nga 300 dite e para te qeverise Rama2. Te dyja bashke si opozita e Bashes edhe qeverisja e Rames eshte e demshme per Shqiperine dhe per shpresen e shqiptareve. Keta te fundit nuk ikin vetem se qeverisja eshte e keqe, ata ikin edhe sepse nuk shohin shprese tek opozita qe sot ka fytyren e Lulzim Bashes.
p.s…dhe derisa Lulzimi te kuptoje sesi nje lider opozite shfaqet si alternative per popullin e tij, populli deri atehere do kete gjetur nje alternative tjeter qe Basha nuk ishte kurre…

(B.H/Faxweb)