Ish deputetja Ledi Shamku me profesion pedagoge në Universitetin e Bolonjës, i është përgjigjur ministrit të Brendshëm italian, Matteo Salvini, i cili publikoi në rrjetet sociale një letër kërcënuese nga shqiptarët.
Salvini shkruante në Twitter, se kërcënimi më i madh ishte për gramatikën italiane, duke ironizuar se letra ishte shkruar keq nga shqiptarët.
Ish deputetja Shamku, e cila duket se është treguar e vëmendshme ndaj statusit të Salvinit i shkruan, duke i renditur arsyet sipas saj se kjo letër nuk është shkruar nga shqiptarë. Ajo thotë se një shqiptar nuk e ka në shprehi, as kur është i zemëruar as kur mallkon të thotë: Derr me brirë!
“Një shqiptar i zemëruar nuk do të kishte shkruar “derr me brirë”. Jo i dashur, këto nuk janë shprehjet tona lokale, “metafora derr me brirë” nuk është shqiptare, nuk është pjesë e gjuhës sonë. Kjo letër është shumë italiane, i dashur.”-shkruan Shamku.
Më tej, me nota humori, Shamku thotë se kjo letër sado e shkruar keq nuk mund të ndikojë tek marrëdhëniet Shqipëri-Itali.
“ Nuk do të jetë një letër e botuar në mënyrë të papërgjegjshme për të shqetësuar një bashkëjetesë prej dy mijë vjetësh dhe kalon mes dy popujve. Jo definitivisht! Unë do t’ju këshilloja të lexoni pak më shumë rreth Sociolinguistikës. Është një disiplinë që e bën njeriun më të mirë se sa është”, shkruan Shamku.
(M.Q/Faxweb.al)
Discussion about this post