Në kuadër të ditës ndërkombëtare të tokës, Ministri i Transporteve dhe Infrastrukturës Sokol Dervishaj, bashkë me të rinjtë e LRI-së së Sarandës, Delvinës e Finiqit, ka ndërmarrë një aksion pastrimi në Syrin e Kaltër.
Gjatë këtij aksioni, Dervishaj është shprehur përpara të rinjve se zgjedhjet duhet të jenë një shans për të gjithë, duke përfshirë edhe partitë opozitare. Të jetë ky një mesazh i LSI-së?
“Mesazhi i ditës së sotme është një shans për të gjithë kështu që edhe zgjedhjet duhet të jenë një shans për të gjithë, duhet të jenë një shans për rininë duhet të jenë një shans për të gjithë shqiptarët, duhet të jetë një shans për të gjitha partitë, duhet të jetë një shans edhe për partitë e opozitës”, tha Dervishaj.
Pas kësaj, munistri dhe të rinjtë u angazhuan në mbjelljen e 5 pemëve të llojit Ligustra. Ministri Dervishaj mbolli pemën e parë duke i vënë edhe emrin e një Vajze të vogël duke e quajtur pema e Emilit. Ai ka publikuar edhe një video në Facebook, nga ky çast i mbjelljes së Emilit.
“Jemi këtu me të rinjtë e Sarandës, Delvinës, Finiqit e Konispolit për të dhënë mesazhin e kësaj dite një shans për të gjithë, është sllogani ynë. Toka ka nevojë për një shans, mjedisi ka nevojë për një shans, pastërtia ka nevojë për një shans, sepse në fund të ditës shërbimi ndaj komunitetit është qëllimi ynë kryesor dhe ti shërbejmë sa më shumë njerzve, por duhet ti shërbejmë edhe tokës e cila na ushqen”, tha ministri më tej. (D.D/Shuplaka)
