Të tjera detaje kanë dalë nga situata e zjarreve që kanë ndodhur së fundi në Greqi, ku mësohet se mes viktiomave ka dhe 3 shqiptarë, ndërsa janë lënduar 13 të tjerë.
Gazetarja Ira Londo raporton nga Greqia se në mesin e viktimave janë edhe tre shqiptarë nga Mati të cilët punonin në një restorant, i cili u shkrumbua nga zjarri.
Në një lidhje telefonike për Fax News, një prej shqiptarëve që banon në zonën afër vendit kur ra zjarri, Mondi Sinaj, u shpreh se në një nga tavernat që është përfshirë nga flakët kanë qenë të punësuar shumë shqiptarë, fati i të cilëve ende nuk dihet. Sinaj tha më tej se vetë ai iu ka dhënë ndihmë shumë personave në zonën e Atikës.
Ndërkohë që në disa zona ka ende vatra aktive.
Ndërkohë një tjetër shqiptar Bledi Stathi, banues në Rafina të Athinës tregoi se një pjesë e shtëpisë së tij ishte shkrumbuar tërësisht.
Ai madje tregoi edhe se si arriti të largohej në kohë nga vendi i ngjarjes sëbashku me familjen e tij.
“Gruaja më mori në telefon se unë isha në punë, dhe më tha që po digjej shtëpia përballë. Morëm djalin dhe ikëm, se nuk mundën të shpëtonim asgjë nga shtëpia. Shtëpia na u dogj, si u dogjën dhe shumë shtëpi të tjera, shqiptarësh e grekësh, tani është stabilizuar gjendja,” tha ai.
Mediat greke derimë tani flasin për rreth 60 viktimave, mes të cilëve janë dhe 16 fëmijë.
(E.K/FAXWEB.AL)
