Mikel Shallari është i dyshuari kryesor për vrasjen e komisarit Artan Cuku në 8 prill. Pas të gjitha hetimeve të ndërmarra nga Prokuroria dhe Policia si dhe shenjat e ADN-së të gjetura në vendngjarje e lidhin të riun nga Kuçova me vrasjen e Cukut.
Po ndërkaq mësohet se një tjetër dëshmi e implikon Shallarin. Është fjala për administratorin e pallatit ku u vra komisari.
Ai është një nga njerëzit që ka parë prezencën e autorit të krimit, teksa ishte duke pritur Çukun, në korridorin e katit të parë të pallatit. Administratori në paraqitjen për njohje që ka bërë në polici me Shallarin, mësohet ti ketë konfirmuar policisë së Shtetit, se personi i ndaluar prej saj, kishte tipare të njëjta me atë që kishte parë në shkallët e pallatit vetëm pak minuta para se Artan Çuku të ekzekutohej me pesë plumba.
Dyshohet se menjëherë pasi qëlloi 5 herë ndaj Artan Çukut, Mikel Shallari iku në këmbë në lagjet pranë rrugës së Kosovarëve. Pikërisht para se të dilte në Sheshin “Wilson”, 24-vjeçari ka hequr një bluzë blu që mbante veshur e dorashkat dhe i ka futur në një qese, të cilën e ka hedhur tek koshat e mbeturinave.
Pikërisht tek bluza me ngjyrë blu, u gjetën fije floku të cilat pasi u krahasuan në kushte laboratorike dhe shkencore, u gjet ADN-ja e Mikel Shallarit.Ndërkohë i riu pasi hodhi rrobat në koshin e mbeturinave besohet se, u largua në këmbë drejt “Qytetit Studenti” ku jetonte në një banesë private me qira. Shallari pas arrestimit nga policia është marrë gjatë në pyetje, por në asnjë moment nuk ka pranuar autorësinë e krimit. (E.K/SHUPLAKA)
Discussion about this post