Eksperti ligjor i OSHEE-së, Romeo Kara, personi që ka administruar me mijëra dokumente të procesit të privatizimit të kompanisë, hedh dritë mbi mënyrën e negocimit të kontratës me CEZ.
Mbrëmë në emisionin “Exclusive” në Top Channel, Karai dhënë versionin e tij për sekserin kosovar të lidhur me kompaninë çeke, që ishte në kontakt me qeverinë 4 vjet përpara privatizimit.
Sipas ekspertit të OSHEE-së sekseri quhet Nurim Kara. Me zë dhe figurë ai tregon se çfarë ka ndodhur midis sekserit dhe Berishës.
“Materiali që kam tregon qartë fotografinë me ministrin Ruli, duke qenë se ka shumë të dhëna që dalin të sakta deri te numri i niptit të shoqërisë që zotërohet, në të cilat Kalaj kishte aksione, ishin të sakta. Aty përmendet që Nuel Kalaj në 2006 ka telefonuar mbi 100 herë ish-kryeministrin Berisha. Kjo vlen të konfirmohet nga institucionet apo strukturat”, është shprehur juristi.
Karai ka folur gjithashtu për dëmin e pësuar nga çmimi i shitjes së energjisë mes kompanive të energjisë, rolin e ERE-s dhe si u dëmtua Shqipëria në Gjykatën e Arbitrazhit.
Ish-juristi i kompanisë “DIA”, ka folur edhe më parë lidhur me këtë kontratë. Në 23 shkurt të këtij viti, ai deklaroi para gjykatës se marrëveshja mes kompanisë ku ai punonte dhe CEZ-it ka qenë mashtrim që në momentin e parë të nënshkrimit të saj.
VIDEO:
Discussion about this post