Kreu i Grupit Parlamentar të PS-së, Taulant Balla pas seancës gjyqësore për shpifje ndaj kreut të PD-së, Lulzim Basha ka folur edhe për videon e publikuar nga deputeti i PD-së, Ervin Salianji.
“Unë duhet t’ju them se prokuroria po bën një punë të shkëlqyer për zbardhjen e kësaj çështjeje. Personat që nxjerrin videon nuk duhet t’ia fusin vrapin. Rasti i mbremshëm i largimit të Salianjit nga tv klan, duke vënë në rrezik edhe rojet. Ne që përfshihemi në një vepër kriminale duhet të jemi të parët që do t’ja çojmë prokurorisë. Salianji ka shpinë këtu. Nuk jam fqinj për fat të keq me Salianjin. Këto çështjë t’i sqarojë prokuroria, këtë çështje e krijoi Partia Demokratike. Lulzim Basha ka para, pagoi 200 mijë euro për Babaljen”, tha ai.
Kujtojmë që Ervin Salianji, të martën, publikoi edhe një video-përgjim që hidhte poshtë versionin e prokurorisë, në lidhje me komunikimin me telefon të dëshmitarit X me Alfred Alizotin.
Në pamjet e transmetuara, Alizoti nuk e di se po regjistrohet thotë se është marrë në makinë nga Drejtori i Policisë së Shtetit Ardi Veliu dhe është dërguar në Prokurorinë e Krimeve të Rënda në mënyrë që të pranojë versionin që i shkon për shtat mazhorancës. Alizoti tha se Taulant Balla i ka ofruar 200 mijë euro dhe me të ka pirë një kafe tek prokuroria.
(J.D/Faxweb.al)
Discussion about this post