Dëshmia e oficerit të policisë Bledar Naçi hedh dritë në lidhje me marrëdhënien e Habilajve me ish-ministrin e Brendshëm Saimir Tahiri. Naçi ka qenë një nga efektivët që kanë ndaluar makinën e Habilajve në Fier disa vite më parë.
Ai thotë se është kërcënuar nga Habilajt me fjalët ‘’Do ta shihni ç’do ju gjej, makina është e ministrit”.
Mirëpo të shohim si do të jetë reagimi i Tahirit në lidhje me këtë dëshmi të fortë të ish-inspektorit, a do të hedhë lum akuzash ashtu siç bëri me Zaganin?! Vetë Tahiri ka thurur elozhe për Naçin në vitin 2013-të dhe këtë e ka bërë publikisht me një reagim të tijin në rrjetet sociale ku shkruante si më poshtë.
‘’ Sapo pata kenaqesine dhe nderin te telefonoja per te falenderuar personalisht Inspektorin e Rendit te Drejtorise se Policise se Qarkut Fier, Z. Bledar Naci per kurajon dhe vendosmerine e treguar ne parandalimin e rrembimit te nje vajze te mitur ne qytetin e Fierit.
Nuk kam fjale te pershkruaj shqetesimin e te emes se vajzes se vogel. Komunikova personalisht dhe ndjeva friken e prindit por edhe kerkesen per drejtesi ne cdo fjale te saj.
Fatmiresisht, nje tragjedi u parandalua fale Bledarit.
Faleminderit Bledar! Sot je shembull per te gjithe efektivat e Policise se Shtetit. Djem si ti i bejne nder Policise dhe na japin shpresen se ky vend mund te behet vertete vendi ku mbizoteron paqja, forca e ligjit dhe drejtesia.
Krenar per ty dhe djemte si ti ne Policine e Shtetit!”, shkruante Tahiri në 2013-tën.
Po tashmë a nuk është akoma shembull inspektor Naçi?! Vetëm një vit pas falenderimit publik nga ana e Tahirit, ai u burgos me pretekstin e korrupsionit, po pas zbardhjes së dëshmisë së sotme ngrihet pyetja: të ketë qenë vetëm kjo?! Sot Naçi ka fituar azil politik në Zvicër së bashku me familjen e tij.
(E.K/FAXWEB)
Discussion about this post