Saimir Tahiri u largua nga qeveria ‘Rama 1’ pak kohë përpara zgjedhjeve të përgjithshme të 2017 pasi i dolën denoncime nga Partia Demokratike se kishte lidhje me bandat e drogës në vend por edhe jashtë Shqipërisë.
Tahiri u zëvendësua në këtë detyrë nga Fatmir Xhafaj, raportet mes të cilëve nuk është se kanë qenë komode, kjo edhe për faktin se pasaardhësi ka shfaqur shpesh kritika ndaj paraardhësit, por as ky i fundit nuk ia ka kursyer pavarësisht se jo shpesh në mënyrë të drejtpëpërdrejtë.
Ndërkohë, ne e sollëm në vëmendje këtë fakt pasi gjatë ditës së sotme mabasadae britanike e akredituar në Tiranë, përmes ambasadorit Duncan Norman, ka reaguar lidhur me vendimin e djeshëm të Krimeve të Rënda për ish-ministrin Tahiri, duke shprehur idenë se sistemi i drejtësisë në vend po maturohet, por nga ana tjetër e konsideron dështim dhënien e dënimit jo në bazë të akuzave që janë ngritur.
“Verdikti për Saimir Tahirin tregon se sistemi gjyqësor në Shqipëri po maturohet. Por dështimi për të dhënë dënim për akuza më të rënda ngre pikëpyetje dhe tregon rëndësinë për ta çuar deri në fund reformën gjyqësore në vend”, shkruan Norma në Twitter.
Fatmir Xhafaj nuk ka ngruruar që mes pak njerëzve që kanë pëlqyer postimin të jetë edhe ai njëri prej atyre që i japin “Like“. Ndërkohë nuk dihet nëse ky është një mesazh nga ana e Xhafajt ndaj paraardhësit të tij, një mbështetje për qëndrimin e Britanisë ndaj vendimit apo një ‘thikë pas shpine’ ndaj dikujt me të cilin nuk ka shpërfaqur ndonjëherë afrimitet.
Theksojmë se Xhafaj në përditshmërinë e tij, nuk është shumë aktiv në rrjetet sociale, aq më tepër të lërë shënime, komente apo qoftë edhe “like” nëpër faqet virtual.
(F.GJ/FAXWEB.AL)
Discussion about this post