Deputetja Monika Kryemadhi herë pas here ka kritikuar ashpër Reformat në Arsimin e Lartë në vend dhe i ka quajtur si të dështuara. Sot nga “Këndi i Ekselencës”, në News 24 ministrja Nikolla ka deklaruar se ka për detyrë t’i kthejë një përgjigje deputetes Kryemadhi. Sipas Nikollës edhe Kryemadhi pasi të shikojë rezultatet do të bindet që këto reforma kanë qenë të nevojshme.
“Unë Monikën e kam pasur nxënëse dhe e njoh mirë gjithë natyrën e saj pozitive për të arritur gjërat. Ka qenë shumë e mirë si nxënëse dhe është luftëtare për atë që ajo mendon që është e drejtë. Zonja Nora Malaj është Zëvëndëse Ministre e Arsimt dhe kam raporte shumë të mira me të. Në punën time ajo nuk asnjë pikëçuditje, nuk më thërret as minsitre as Linidta po më thotë motra. Ka qenë një pikë patjetër bashkëpunimi dhe ka treguar maturi të plotë me maturën shtetërore. Nuk jam ministre për t’u krekosur por jam ministre për të ulur kokën dhe për të punuar. Ministrja ka shënjuar një standart të ri komunikimi me aktorët. Monikës i kam detyrimin që t’i kthej një përgjigje me rezultatin. Dhe do të bindet që edhe asnjë tarifë nuk është rritur dhe me rradhë pas rradhe do të dalin edhe rezultatet e ekspertëve në lidhje për reformat në arisimin e lartë.”, u shpreh Nikolla.
Më herët Kryemadhi ka deklaruar se është ndier e zhgënjyer qoftë edhe nga angazhimi si deputetë të Parlamentit Shqiptar që ka bërë kompromise edhe për hir të koalicionit që ka pranuar ligje si ai i Maturës Shtetërore.
“Ligji ka cënuar jo vetëm dinjitetin e nxënëseve me nota shumë të mira që s’iu dha e drejta të studiojnë, mbi të gjitha është cenuar sistemi arsimor në Shqipëri. Unë uroj që Matura Shtetërore e këtij viti ajo që presim të jetë sepse po cënove ëndrrat e të rinjve ke cënuar shpresat dhe ëndrrat e një vendi.
Shpresoj që Grupi Parlamentar i ardhshëm i LSI të jetë nga shumë vajza të reja të LRI që mos ta lejojnë më që gabimin që bëri Grupi Parlamentar i LSI që dha votën e Ligjit të Arsimit të Lartë të mos pranojnë më kompromise politike qoftë edhe me urdhër të kryetarit të partisë. Kompromis politik të behët vetëm në funksion dhe në shërbim të gjeneratave të reja”, tha Kryemadhi. (J.V/Shuplaka)
Discussion about this post