Kreu i Lidhjes Demokratike ka reaguar vetëm disa orë pas mbylljes së afatit për dorëzimin e marrëveshjeve të koalicioneve parazgjedhore ku nuk u arrit një mirëkuptim I plotë me Vetëvendosjen e Albin Kurtit që të kishte një marrëveshje të tillë.
Mustafa thotë se më herët ka bërë ftesë publike ndaj partive të tjera që të maten në zgjedhje veç e veç, ndërkohë që thekson se zgjedhje të vërteta janë ato ku për fatin e të cilave vendosin qytetarët dhe j koaliicionet parazgjedhore.
“Bashkërenditja e opozitarizmit me VV dhe bisedat për të qeverisur bashkë, na kanë ofruar për shumë interese të vendit. Prandaj, me përkushtim do të vazhdoj të punojë të rrumbullakësojmë koalicionin paszgjedhor, në kushte të respektimit reciprok”, shkruan Mustafa duke lënë një shteg të hapur e mbase të sigurtë se pas zgjedhjeve në Tetor, do të ketë një koalicion me Kurtin por gjithnjë duke pasur parasysh edhe rezultatet e votimeve.
Reagimi i plotë:
Mirëmëngjesi qytetarë të nderuar
Nga sot fillon gara e vërtetë. Kush nga partitë, LDK, VV, PDK dhe kush nga koalicionet, Nisma-AKR- PD apo AAK-PSD, sikurse edhe koalicionet e komuniteteve joshumicë do të kenë përkrahje më të madhe qytetare.
Nga Kuvendi i LDK-së, më 3 gusht, u kamë bërë ftesë publike partive më të mëdha që të matemi veç e veç në zgjedhje.
Zgjedhje të vërteta janë vetëm ato, për fatin e të cilave vendosin qytetarët dhe jo koalicionet parazgjedhore.
Bashkërenditja e opozitarizmit me VV dhe bisedat për të qeverisur bashk, na kanë ofruar për shumë interese të vendit. Prandaj, me përkushtim do të vazhdoj të punojë të rrumbullakësojmë koalicionin paszgjedhor, në kushte të respektimit reciprok.
LDK me tërë potencialin e saj do të punojë për ç‘kapjen e shtetit dhe dekriminalizimin e tij, ta zhvillojë ekonominë e të hap vende pune; të rikthejë partneritetin me BE dhe SHBA.
Koalicioni ynë i parë është me qytetarin!
E keni LDK-në! Kandidaten e LDK-së për Kryeministre dhe ekipin që s’e ka askush. Së bashku me ju që e doni shtetin tonë, sot shfletojmë faqen e Re! IM
(F.GJ/FXWEB.AL)
