Dështimi i reformës zgjedhore nga dy partitë e mëdha në vend ka irrituar partitë e vogla në vend, të cilat kanë vendosur ta ccojnë padinë për Kodin Zgjedhor në Gjykatën Kushtetuese. Siaps tyre 24 nene të Kodit Zgjedhor biejnë ndesh me kushtetutën e vendit.
Përpara se të niste diskutimi për reformën zgjedhore partitë e vogla kishin hartuar një listë me kërkesa, të cilat mbetën pa u shqyrtuar. Prej kohësh partite e vogla kanë shprehur pakënaqësitë e tyre edhe ne fenomenin e shitblerjes së votive.
Në kuadër të kësaj kryetari i Partisë Agrare Ambientaliste Agron Duka ka ftuar me anë të një letre të gjitha partitë si: Libra, Sfida dhe AKZ, për t’u bërë bashkë në mënyrë që të mos përsëritet fenomeni i shit-blerjes së votës në zgjedhjet e vitit 2017.
“Ka ardhur koha që të ndalojmë njëherë e mirë këtë fenomen. Le të marrim shembull nga Maqedonia fqinje, ku shitja e votës përbën vepër penale dhe dënohet me së paku 5 vjet burg. Mendoj se edhe në Shqipëri duhet të ashpërsojmë masat ndëshkuese për këdo që shet dhe blen vota. Aktualisht masat që parashikohen në Kodin Zgjedhor dhe Kodin Penal janë të pamjaftueshme dhe siç e kemi vënë re shpesh, njerëzit e përfshirë në shit-blerje votash kanë shpëtuar me ndëshkime qesharake”, shkruan Duka në letrën e tij.
Më pas kreu i PAA shton se: “Si Kryetar i Partisë Agrare Ambientaliste propozoj të ndërmarrim iniciativën për të bërë të gjitha ndryshimet ligjore në Kodin Zgjedhor dhe Kodin Penal, në mënyrë që prej zgjedhjeve të ardhshme të mos kemi deputetë që nuk përfaqësojnë realisht vullnetin e qytetarëve. Nga ana tjetër, përveç ndryshimeve ligjore, Komisioni Qendror i Zgjedhjeve duhet të intensifikojë një fushatë kombëtare kundër shit-blerjes së votës. Për këtë është i domosdoshëm kontributi i mediave dhe shoqërisë civile. Çdo tentativë reformimi e sistemit zgjedhor duhet të nisë nga ky mëkat origjinal i shoqërisë sonë. Blerja dhe shitja e votës godasin themelet e lirisë dhe demokracisë”.
