Dështimi me negociatat, reagon Ambasada Amerikane: Tre pikat kyçe ku duhet të nxitet puna  

Lidhur me vendimin e Këshillit Europian për negociatat me Shqipërinë ka reaguar dhe Ambasada Amerikane në Tiranë.

Ambasada përgëzon Shqipërinë për ecurinë e derimëtanishme sa i takon integrimin, po shton se nevojitet një punë dhe më e madhe sa i takon Reformës në Drejtësi, luftës ndaj krimit të organizuar dhe korrupsionit.

Reagimi:

Përgëzojmë Shqipërinë për vendimin pozitiv në lidhje me hapjen e bisedimeve për anëtarësim në BE. Shqipëria ka bërë përparim domethënës dhe tani nevojitet të rrisë përpjekjet për të përfunduar reformat kyçe. Ne e nxisim Shqipërinë që të rrisë ritmin në reformën në drejtësi, luftën kundër korrupsionit dhe kundër krimit të organizuar.

Ndërkohë vendimi i marrë dje ka sjellë perceptime të ndryshme në politikën shqiptare, teksa qeveria Rama është munduar që ta shesë si sukses shtyrjen për vitin e ardhshëm, ndërsa opozita si dështim. PD-ja ka kërkuar dorëheqjen e menjëhershme të Ditmir Bushatit, ndërsa LSI-ja sot kërkoi dorëheqjen e Edi Ramës.

(E.K/FAXWEB.AL)