Ka dështuar edhe raundi i tretë i zgjedhjes së Presidentit të Republikës së Shqipërisë. Kryetarja e Komisionit të Ligjeve, u shpreh shkurtimisht nga foltorja e Kuvendit se nuk është paraqitur asnjë kandidaturë për Kreun e Lartë të Shtetit.
“Komisioni konstatoi se asnjë kandidaturë nuk është depozutuar në Kuvend. Komisioni i parqet seancës të mbledhur, rekomandimin me qëllim për mbylljen e procedurave për raundin e tretë të zgjedhjes së Presidentit të Republikës.”, citoi ndër të tjera Vasilika Hysi teksa lexonte raportin.
Seanca e tretë u zhvillua pasi Konferenca e Kryetarëve vendosi 27 prillin datën e zhvillimit të raundit të tretë, pas dështimit të dy raundeve të para për të njëjtën arsye.
Pak përpara zhvillimit të kësaj seance, kryeministri Edi Rama iu drejtua sërish Kryesisë së Kuvendit, duke ngritur dyshimet se në krye të takimit mund të ishte dhe kjo çështje.
(XH.A/SHUPLAKA)
Discussion about this post