Tre shtetas shqiptarë, dy gra të moshës 49 e 21 vjeç, dhe një burrë 21 vjeç, të akuzuar për tentativë zhvatjeje ndaj një burri Italian janë arrestuar.
Viktima kërkoi ndërhyrjen e policisë teksa gjendej në një tren që vinte nga Roma drejt stacionit qendror në Milano, raportojn La Republica.
Italiani bëhet me dije se duhej t’i dorëzonte 5 mijë euro një të njohurës së tij shqiptare 21-vjeçare, për ta shpëtuar nga protektori i saj që e detyronte të prostituonte dhe e mbante peng, bashkë me djalin e saj të sapolindur, 30-ditësh.
Italiani e kishte njohur shqiptaren rreth katër muaj më parë dhe i kishte ofruar ndihmë ekonomike, pasi ajo i kishte lënë të kuptonte se po shfrytëzohej nga i fejuari, bashkatdhetar i saj.
Në momentin që i kanë marrë paratë, gruaja së bashku me dy bashkëpunëtorët e saj, ka ndërhyrë policia për t’i arrestuar, ata akuzohen për zhvatje dhe pengmarrje të rreme. (B.H/Shuplaka)
Discussion about this post