Sot disa përfaqësues të shoqërisë civile kishin iniciuar një protest në mbrojtje të jetës dhe kundër dhunës. Shkak i ngjarjeve të dhunës në familje të shënuara ditët e fundit. Mirëpo një nga organizatorët Erion Kristo ka zhprehur zhgënjimin e madh kur thotë se njerëzit nuk kanë marrë pjesë në protestë. Ai ka thënë publikisht se nuk do të marrë pjesë në asnjë nga protestat e shoqërisë civile dhe se ai ka bërë gjithçka ka pasur në dorë për të sensibilizuar sadopak.
”Sot thirrëm një protestë në mbrojtje të jetës dhe kundër dhunës. Donim të reagonim ndaj gjëmave të kohëve të fundit. Donim të propozonim zgjidhjet tona. Tubimi dështoi. Njerëzit nuk erdhën. Dhe meqënëse asnjë institucion shqiptar nuk mban përgjegjësi, meqënëse shoqatat lekëharxhuese nuk mbajnë përgjegjësi, meqenëse qytetaret nuk tregojnë qytetari, mendova të jap dorëheqjen time nga këto lloj protestash dhe nga shoqëria civile. Dikush duhet te mbaje përgjegjësi për këtë dështim. Unë bëra timen. Më uroni suksese në jetë tani…”, ka përfunduar aktivisti.
