Dështoi zhvillimi i seancën në Gjykatën e Posaçme ndaj ish kryebashkiakut të Himarës Jorgo Goro dhe ndaj dy ish zyrtarëve të tjerë, ku pritej që këtë të mërkurë të bëhej mbrojtja dhe të shpallej vendimi nga gjykata.
GJKKO dënoi me gjobë mbrojtësit ligjorë të Vezir Gjikoka me shumën 10 mijë lekë, për shkakun se kur gjykata ka caktuar datën e sotme gjyqsore mbrojtësi ka shprehur dakordësinë e tij dhe nuk ka referuar që të ketë seanca gjyqsore të tjera dhe ta bëntë të pamundur paraqitjen e tij në këtë seancë.
Gjyqtari Ardit Mustafaj caktoi avokat kryesisht për Jerasimo Bashin, duke qenë se mbrojtësi i tij nuk u paraqit. Me vendim u caktua avokati Artan Simoni, anëtar i dhomës së avokatisë Tiranë.
Për Vezir Gjikokaj u caktua avokate kryesisht Pranvera Docci, anëtare e dhomës së avokatisë Tiranë.
Gjykata shtyu seancën në datën 12 mars ora 11.00 dhe pezulloi afatet e paraburgimit për Jorgo Goron si dhe afatet e masën “arrest në shtëpi” per Vezir Gjikokën.
