Seanca gjyqësore e parashikuar për ditën e sotme, ku pritej përballja e Emiljano Shullazit me dëshmitarin e penduar, biznesmenin Ylvi Beqja, ka dështuar.
Mësohet se seanca u shty për shkak se Gilmando Dani nuk zgjedh avokat. Kjo shtyrje e seancës rrezikon marrjen e dëshmisë, për shkak se afati për marrjen e dëshmisë së Beqjas është duke shkuar drejt përfundimit.
Edhe seanca e djeshme ku pritej përballja Shullazi-Beqja dështoi për shkak se avokatët braktisën seancën.
Emiljano Shullazi akuzohet se përmes bashkëpunëtorëve të tij, i ka vendosur gjoba biznesmenit Beqja, gjobëvënie e cila është proceduar në formën e çeqeve. Veç kësaj, Ylvi Beqja e akuzon Shullazin se e ka kërcënuar. (XH.A/SHUPLAKA)
