Edi Rama ka tentuar ti japë fund krizës politike në Maqedoni, por takimi i sotëm në kryeministri me liderët politikë shqiptarë në Shkup nuk ka shkuar sipas planeve.
Kryeministri Rama ka hartuar një draft prej disa pikash, një dokument këshillues për ruajtjen e interesit të shqiptarëve në Maqedoni, që duhej ta firmosnin liderët politikë shqiptarë në Shkup.
Sipas Syri.net, Ahmeti nuk ka pranuar ta firmosë draftin në fjalë duke e çuar dëm edhe takimin.
Mësohet se në qendër të diskutimeve mes krerëve të partive politike shqiptare ka qenë krijimi i qeverisë së re dhe situata politike në Maqedoni, duke qenë se ditën e nesërme do të mblidhet për herë të parë Parlamenti i dalë nga zgjedhjet e parakohshme të 11 dhjetorit. (A.R/SHUPLAKA)
