Detaje të reja janë zbuluar në lidhje me ngjarjen e rëndë në Tiranë ku dy persona janë plagosur me thikë jashtë një lokali në zonën e ‘Unazës së Re’, pas një konflikti.
Sipas informacioneve mësohet se sherri ka nisur, pas një ngacmimi që kanë bërë të rinjtë të fejuarës së 27-vjeçarit.
Të plagosur mbetën shtetasi me iniciale A.M, 27 vjeç dhe e fejuara e tij me iniciale K.K, 23-vjeçe. Ata janë transportuar për në spitalin Ushtaraik dhe ndodhen jashtë rrezikut për jetën.
23-vjeçarja dyshohet se u plagos pasi ndërhyri për ti ndarë.
Pasi kanë qëlluar me thikë, tre autorët janë larguar me shpejtësi, ndërsa policia i ka arrestuar pak minuta më vonë. Ata janë H.N, Ç.Sh dhe F.P.
Informacion paraprak
Më datë 06.05.2018, rreth orës 15:00, në zonën e Unazës së Re, si pasojë e një konflikti të ndodhur jashtë një lokali, kanë mbetur të plagosur me mjet prerës (thikë) shtetasi A. M., rreth 27 vjeç dhe e fejuara e tij, shtetasia K. K., rreth 23 vjeçe.
Shtetasit e dëmtuar janë transportuar për ndihmë mjekësore në Spitalin Ushtarak dhe aktualisht ndodhen jashtë rrezikut për jetën.
Është identifikuar autori dhe po punohet për kapjen e tij.
(B.H/FAXWEB)
