Detaje të reja janë zbuluar në lidhje me ngjarjen e rëndë të ndodhur në Durrës pak më parë ku burri vrau bashkëshorten e tij pas një konflikti.
Gazetarja e ‘Fax News’ Elitjona Doko raportoi se çifti kishte konflikte të vazhdueshme për shkak të xhelozisë.
Çlirim Shaholli e ka qëlluar 40-vjeçaren Adriana Caholli me levë në kokë dhe pjesë të tjera të trupit, ndërsa britmat e saj i kanë dëgjuar edhe fqinjët të cilit nuk kanë mundur të ndërhyjnë.
Shaholli pasi ka kryer aktin makabër ka dalë jashtë banesës dhe ka njoftuar policinë, duke pranuar dhe autorësinë e krimit.
Çifti ishte nga Korça dhe kishte pak vite që ishte zhvendosur në Durrës. Ata kishin 6 fëmijë të cilët nuk kanë në shtëpi në momentin e ngjarjes pasi ishin tek gjyshërit.
Njoftimi i policisë:
Durrës
Informacion paraprak
Më datë 08.06.2018, rreth orës 19:55 në Urgjencën e Spitalit Rajonal Durrës ka shkuar e lënduar në kokë dhe ndërruar jetë shtetasia A. Sh. 40 vjeçe banuese në lagjen Nr. 15, Durrës.
Nga hetimet e kryera ka rezultuar se autor i dyshuar është bashkëshorti i saj, shtetasi Ç.Sh. 42 vjeç, i cili e ka goditur me mjete të forta.
Shtetasi i mësipërm është shoqëruar në ambientet e Policisë Durrës, i cili po pyetet mbi rrethanat e ngjarjes.
Vijojnë hetimet për zbardhjen e plotë të ngjarjes.
(B.H/Faxweb)
