Detaje/ Grabitja e automjetit në Korçë, çfarë gjeti policia brenda në makinë

Policia ka zbardhur detaje të reja në lidhje me grabitjen e automjetit në Korçë.

Fax News raporton se brenda makinës tip “Benz”, autoritetet shprehen se kanë mbetur tre celularë. Njëri është i 23 vjeçare dhe tjetri i të dashurit të saj 25 vjeç.

Por dy prej telefonave janë fikur dy orë pas ngjarjes, dhe i treti mëngjesin e sotëm, gjë që e ka bërë të vështirë gjetjen e sinjalit.

Burime të policisë ndërkaq bëjnë me dije se po hetohet nëse djali ka pasur konflikte me persona të tjerë.

NGJARJA SIPAS POLICISE:

Më datë 06.01.2018, jemi njoftuar se rreth orës 20:30 në periferi të Korçës, në rrugën që të çon drejt Malit Moravë, dy persona të maskuar kanë goditur me sende të forta shtetasin D.A, rreth 35 vjeç, banues në fshatin Burimas, i cili ndodhej brenda mjetit të tij tip “Mercedes-Benz”, me targa AA 875 II, i shoqëruar me shtetasen E.G.

Nga të dhënat paraprake dyshohet se personat pasi kanë goditur me sende të forta shtetasin D.A, kanë marrë mjetin e këtij të fundit dhe janë larguar me shpejtësi.

Dy shtetasit e mësipërm, ndodhen në Komisariat ku po japin edhe deklaratat lidhur me ngjarjen e ndodhur. Nga ana e Policisë, janë ngritur pika kontrolli me qëllim identifikimin dhe kapjen e autorëve. Grupi hetimor po punon për zbardhjen e plotë të rrethanave të ngjarjes.

SHPËRBLIM PËR ATA QË JAPIN INFORMACION:

Drejtoria Vendore e Policisë Korçë, në vijim të hetimeve lidhur me zbardhjen e ngjarjes që ndodhi dje më datë 06.01.2018, ku nga persona ende të paidentifikuar në lagjen nr 3 Korçë, është vjedhur mjeti tip “Benz” me targa AA875II në pronësi të shtetasit D.A, vendos në dispozicion shumën prej 200.000 lek të reja, për çdo shtetas që mund të ketë informacion të saktë mbi vendodhjen e mjetit apo identitetin e personave.

Policia e Korçës iu bën thirrje qytetarëve të bashkëpunojnë për zbardhjen e kësaj ngjarje dhe të telefonojnë në numrat : 0694134733 ose 0694112291. 

(F.M/Faxweb)