Detaje nga aksidenti i rëndë në mes të Tiranës/ Shoferi me patentë të hequr përplas familjen, burimet: Ja gjendja shëndetësore e babait, nënës dhe fëmijës 3-muajsh

Zbardhen detaje të reja në lidhje me aksidentin e rëndë në Tiranë, ku një makinë luksoze ‘Mercedes GL’, ka përplasur një familje në rrugën e ‘Kavajës’.

Mësohet se shoferi i makinës luksoze ka përplasur babain, nënën dhe foshnjen 3 muajshe që ndodhej në karrocë. Shoferi lëvizte me shpejtësi në rrugë, ishte pa patentë pasi i ishte hequr disa javë për shkelje të rëndë.

Anëtarët e të njëjtës familje kanë qenë duke kaluar rrugën me semafor jeshil, në momentin që janë përplasur nga automjeti luksoz, duke përfunduar më pas në trotuar.

Burimet bëjnë me dije se prindërit me iniciale A.K dhe V.K, janë nën mjekim dhe ekzaminim intensiv në spital, kurse fëmija me iniciale I.K 3-muajsh është jashtë rrezikut për jetën.