1240 kilogramë lëndë narkotike e dyshuar “Cannabis sativa” është sasia e drogës të sekuestruar orët e para të mëngjesit të sotëm në plazhin midis Petroliferës dhe Triportit.
Policia e Vlorës bën me dije për “Shuplaka” se mjetet e sekuestruara nga Policia Kufitare, të cilat u gjetën të braktisura në pyll, do të dërgohen për ekzamiminime laboratorike.
Portali ynë ka mësuar se pas kontrollit të ushtruar, seksioni për Hetimin e Narkotikëve ka gjetur dhe sekuestruar sasinë prej 1240 kilogramë drogë të ndara në 116 paketime, mbështjellë me natriban, qese dhe thasë plastikë.
Po vijo ende hetimi për zbulimin dhe kapjen e autorëve.
Njoftimi i Policisë së Vlorës
Policia sekuestron 1240 kilogramë lëndë narkotike, e dyshuar si Cannabis Sattiva. Gjatë patrullimit në vijën bregdetare të Vlorës, në plazhin midis Petroliferës dhe Triportit, Policia Kufitare ka bërë të mundur konstatimin dhe bllokimin e një kamioni të markës Iveco me targë AH 117 AB, brenda të cilit u gjet një sasi e konsiderueshme me lëndë narkotike e dyshuar si Cannabis Sattiva.
Nga kontrolli i ushtruar në zonën përreth, Policia Kufitare ka gjetur të braktisura, mjetet: – Fuoristradë Toyota me targë CA 4816 BY, – Land Rover me targë AA 889 FI, – një karelë për transportimin e mjeteve lundruese, – si dhe sende të tjera të cilat do dërgohen për ekzaminime laboratorike. Seksioni për Hetimin e Narkotikëve, pas kontrollit të ushtruar brenda në kamion, kanë gjetur një sasi me lëndë narkotike e cila pas peshimit ka rezultuar me peshë totale prej 1240 kilogramë, e dyshuar si Cannabis Sattiva.
Lënda narkotike ishte e ndarë dhe paketuar në 116 paketime, mbështjellë me natriban, qese dhe thasë plastikë, e cila është sekuestruar në cilësinë e provës materiale. Policia Kufitare në bashkëpunim me Policinë Vendore vazhdojnë hetimet për zbulimin dhe dokumentimin e plotë ligjor të ngjarjes. Po punohet për identifikimin dhe kapjen e autorëve.
(XH.A/SHUPLAKA)
[ngg_images source=”galleries” container_ids=”298″ exclusions=”158,159,160,163,164,165,166″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
