Detaje nga arrestimi i 14 personave mes tyre 4 shqiptarëve në Itali, si u shkatërrua banda që trafikonte 3.5 ton drogë në vit (EMRAT)

Detaje të reja bëhen me dije nga superaksioni i ndërmarrë nga policia italiane që vuri në pranga 14 persona, mes tyre italianë dhe shqiptarë. Katër shtetas shqiptarë përfunduan në pranga, konkretisht: Vaso Mekshi, 39 vjeç, Shefik Muho, 33 vjeç, Leonard Bufi, 36 vjeç, Emilian Bufi, 31 vjeç.

Mediat italiane shkruajnë se shkatërrimi i bandës u krye pas 11 muajsh. Sipas burimeve të policisë italiane, banda trafikonte rreth 3.5 ton drogë në vit. Gjatë superaksionit u sekuestruan armë, sasi e madhe droge që transportohej nga Shqipëria drejt Puglias, konkretisht 3.508 paund marijuanë me vlerë shitje pakice prej 35 milionë euro.

Banda akuzohet për krime të përsëritura, transport, posedim, shpërndarje dhe shitje të sasive të mëdha të drogës.

(XH.A/SHUPLAKA)