Detaje nga arrestimi i grupit të grabitësve laçjanë, si u tradhëtuan nga parfumi që morën në Francë

Prokuroria e Krimeve të Rënda në bashkëpunim me autoritetet franceze kanë shkatërruar një grup grabitësish shqiptarë që operonin kryesisht në Francën Lindore, Belgjikë, Itali, Spanjë dhe Gjermani.

Arrestimi i 7 shtetasve shqiptarë është bërë në prill të 2019-tës, ndërsa lajmi është njoftuar në një konferencë të përbashkët shtypi nga kryeprokurori i rajonit, Fransua Perain (François Pérain) dhe prokurori shqiptar, Besim Hajdarmataj të hënën (13 maj) në Nancy (Meurthe-et-Moselle).

Të arrestuarit mësohet se grabisnin kryesisht banesa dhe vlera e mallrave të vjedhura është 300.000 euro.

Gjatë bastisjes së një vile, anëtarët e bandës, morën edhe një parfum të personalizuar. Parfumi u gjet gjatë kontrollit në shtëpinë e Përkolës. Francezja Lambotte Dominique ishte ajo që denoncoi vjedhjen.

Ajo shprehet se “më vodhën një parfum me dedikim të personalizuar, ku shkruhej “Gëzuar Krishtlindjen”.

Parfumi u gjet në shtëpinë e Dominique në Laç, në banesën e njërit prej të dyshuarve si anëtar i grupit kriminal.