Tefik Hyka, është biznesmeni i cili u plagos vetëm dy ditë më parë nga një antentat me armë zjarri në Tiranë.
Sipas “Panorama” Hyka për shkak të problemeve që kishte me biznesin, por edhe përplasjet me armë ku u përfshinë njerëzit e tij më të afërt u detyrua që të largohej nga Shqipëria.
Bizesmeni para disa vitesh ai është larguar bashkë me familjen, duke u vendosur në Francë, ku edhe jetojnë momentalisht. Hyka është baba i tre fëmijëve, dy vajzave 28 e 25 vjeçe dhe i një djali 23 vjeç.
Po kështu fëmijët e tij kanë kryer studimet në universitetet më të mira franceze dhe kanë vazhduar karrierën e tyre atje.
Por për shkak të punëve në vend 56-vjeçari herë pas here kthehej në Shqipëri. Edhe këtë herë që iu bë antentati ai kishte mbërritur në Tiranë vetëm për disa ditë dhe do të ikte sërish brenda kësaj jave.
Ndërsa në Shqipëri nuk ndodheshin asnjë prej familjarëve të tij. Ky fakt u vu re edhe dje pas ngjarjes, pasi në Spitalin e Traumës, ku ai vijon të marrë mjekim pas plagosjes, ndodhej vetëm motra e tij. Mësohet se familjarët e tij janë lajmëruar për atë që ka ndodhur dhe pritet që të mbërrijnë sot. Në spital shkuan vetëm disa kushërinj të tij që ndodhen në Tiranë.
Sipas policisë deri më tani nuk është marrë në pyetje asnjë familjar i Hykës, edhe për arsye se nuk ndodhen në Shqipëri. (J.V/Shuplaka)
Discussion about this post