22-vjeçarja F. L. ka shpjeguar në polici të gjithë kronologjinë e ngjarjes që do të përfundonte me përdhunimin e saj, nëse ajo nuk do të arrinte të largohej në kohë. Në dëshminë e saj, ajo është shprehur se është marrë me forcë nga du të rinjtë në Laç, të identifikuar si Armonel Bruka 26 vjeç dhe Henri Talo 25 vjeç.
Referuar deklarimit të së dëmtuarës, ata kanë qenë në të njëjtën tavolinë në shoqërinë e disa të tjerëve, brenda ambienteve të një lokali tek “Rr. e Kavajës” dhe pas mesnate, kur u larguan nga lokali, ata i ofruan ndihmë vajzës që po ikte në këmbë për në shtëpi.
Në dëshminë e saj për një portal online, vajza është shprehur se fillimisht e refuzoi ndihmën e tyre, por djemtë kanë këmbëngulur dhe e kanë ndjekur me makinë derisa F. L. ka pranuar që të hipë në automjetin e tyre. Pasi disa metrash, mësohet se ata i janë drejtuar një rrugice të errët ku tentuan ta përdhunojnë 22-vjeçaren.
Në momentin që ajo ka nisur të thërrasë për ndihmë, vajza shprehet se të frikësuar, djemtë e kanë nxjerrë nga makina dhe janë larguar. 22-vjeçarja ka deklaruar se automjeti drejtohej nga Armonel Bruka, ndërsa pasagjer ishte Henri Talo që ka nisur i pari ta ngacmojë seksualisht, e më pas është përkrahur edhe nga shoku i tij. (XH.A/SHUPLAKA)
