Detaje të reja janë zbardhur nga vrasja e dyfishtë shënuar dy ditë më parë në qytetin e Durrësit, ku humbën jetën i riu Irsid Curri dhe gjyshja e tij Hurme Curri 80 vjeçe. Referuar burimeve zyrtare të grupit hetimor, “Gazeta Shqiptare” bën me dije ngjarja e rëndë ka ndodhur në mesnatë.
Mësohet se Irsid Curri ka qëlluar 5 herë me kallashnikov gjyshen e tij teksa ajo ishte duke fjetur. Dhe më pas ka vrarë veten me plumb në gojë. Vetëm 12 orë pas ngjarjes së rëndë, policia ka mundur të zbulojë trupat e pajetë brenda banesës.
Në ceremoninë mortore të organizuar nga djali dhe vajzat e të moshuarës, kanë marrë pjesë shumë të afërm, por kanë munguar nëna dhe vëllezërit e autorit të vrasjes së 2-fishtë. Sipas të njëjtave burime, ata nuk kanë qenë të pranishëm për shkak se ndodhen në Gjermani ku kanë marrë azil.
(XH.A/SHUPLAKA)
Discussion about this post