Detaje nga krimi në Durrës, si i mori jetën 58-vjeçarit konflikti për 13 mijë lekë

Detaje të reja janë bërë të ditura lidhura me krimin e shënuar një ditë më parë në qytetin e Durrësit. Ngjarja ndodhi në lagjen nr. 1 të qytetit bregdetar, ku shtetasi 58-vjeçar Agim Arapi ndërroi jetë si pasojë e plagëve të marra gjatë konfliktit.

Autorët e dyshuar për vrasjen e tij u identifikuan si: Kostandin Ekonomi, Kujtim Ekonomi dhe Jurgen Kurti (me precedent penalë të mëparshëm).

Mësohet se dy vëllezërit ushtronin aktivitetin e tyre në një piceri. Burime për “Shqiptarja.com” bëjnë të ditur se ata kishin nënshkruar një marrëveshje me viktimën Agim Arapi që tubat e ajrimit të picerisë të kalonin në pronën e viktimës, një dyqan pranë picerisë. Për këtë shërbim, ai do të paguhej 13 mijë lekë në muaj. Por mosshlyerja e këtij detyrimi muajt e fundit shkaktoi konflikt mes palëve.

58-vjeçari humbi jetën në spitalin e Durrësit si pasojë e plagëve të marra.

(XH.A/SHUPLAKA)