Detaje të tjera janë zbardhur nga masakra e ndodhur në qytetin e Korçës ku kryefamiljari Naum Toshi ka varur dy fëmijët e tij të mitur dhe më pas veten.
Në dëshminë e saj, motra e viktimës ka treguar se krimi u zbulua nga babai i tyre, i cili shkoi në banesën e vëllait për të ushqyer pulat, si zakonisht. E pyetur për më tepër, Lindita Golka ka bërë me dije se vëllai kishte pak kohë që ishte kthyer nga emigrimi dhe gjendja ekonomike e familjes ishte e mirë, jo në kushte ekstreme: “Gruaja e vëllait u largua dy muaj më parë nga banesa. Ata kishin pak kohë që ishin kthyer nga emigrimi.”
Burime të policisë bëjnë të ditur se gruaja e viktimës, e cila thuhet se ishte larguar nga banesa dy muaj më parë, kishte qenë dje në shtëpi për tu larguar sërish.
Referuar dëshmive të fqinjëve pranë banesës, janë dëgjuar ulërimat e dy fëmijëve, të cilët dyshohet se babai i ka mbytur. Mësohet se fëmija i parë 6 vjeç, ishte fryt i një martese më të hershme të gruas së viktimës, që mundet të jetë një prej shkaqeve të mundshme të krimit të rëndë.
(Në foto: Marsela Toshi, bashkëshortja e autorit; banesa ku ndodhi krimi)
Discussion about this post