Detaje të rënda bëhen me dije pak ditë pas masakrës që tronditi qytetin e Vlorës, viktimë e të cilës ra 33-vjeçari Ergys Gjioveshaj. Referuar një gazete të përditshme, i riu ndërroi jetë në hryje të lokalit ku u krye krimi, pak pasi ishte qëlluar me 6 plumba.
Referuar edhe dëshmisë së autorit, 19-vjeçarit Gani Tozaj, i cili shkaktoi një viktimë dhe tre të plagosur, gjithçka nisi pas një sherri verbal, pasi viktima qëlloi me pëllëmbë njërin prej të pranishmëve në tavolinën ku ndodhej autori.
Pasi u qëllua me 6 plumba, i mbuluar në gjak, Ergys Gjioveshaj eci drejt derës së lokalit, ku u gjet edhe i vdekur nga policia.
Pas krimit, viktima u identifikua si person me precedent penalë të mëparshëm, i dënuar për një vrasje të ndodhur në vitin 2000 në Vlorë. Pas kryerjes së krimit, ai u dënua me 12 vjet burg, por arriti të arratisej duke iu shmangur vuajtjes së dënimit.
(XH.A/SHUPLAKA)
Discussion about this post