Ngjarja e ndodhur pasdites së të dielës në qytetin e Fierit në lagjen 1 Maji, ku një person qëlloi drejt një lokali me armë zjarri, dyshohet të ketë ndodhur për shkak të një borxhi që një prej personave që ndodheshin të ulur në të njëjtën tavolinë, t’i ketë pasur atentatorit i cili është identifikuar nga policia.
Burime të “Fax News” bënë me dije se nga hetimet paraprake dhe nga deklarimet e marra dëshmitarëve në vendngjarje dyshohet se atentatori ka shtënë pasi është konfliktuar më parë me një prej personave që ndodheshin në lokal në atë moment, për shkak të një borxhi.
Mësohet se në momentin e ngjarjes, në lokalin e 45-vjeçarit Astrit Merkaj, banues në lagjen “1 Maji” Fier, ndodheshin të ulur Arben Berhari, Astrit Xhaferaj dhe Skënder Nebiu, të gjithë banues në po këtë lagje. Ndërkohë, policia ka shpallur në kërkim për veprat penale vrasje me paramendim e mbetur në tentativë dhe prodi e mbajtje e armëve luftarake, 47-vjeçarin A.P. të dyshuar si autor i kësaj ngjarjeje. Në vendngjarje pòolicia ka gjetur e sekuestruar në cilësinë e provës materiale katër gëzhoja. (J.V/Faxweb)
