Nga policia e Lushnjës është ndaluar 33-vjeçari Luis Daka i cili i mori armën e krimit Arjon Canajt vetëm një ditë më parë dhe u largua vendngjarja. Kujtojmë që Arjon Canaj plagosi me armë një 29-vjeçar ditën e djeshme .
Në fshatin Pluk Canaj plagosi të riun me iniciale A.Z. dhe më pas Luis Daka mori armën dhe u largua nga vendngjarja. 29-vjeçari me iniciale A.Z ndodhet jashtë rrezikut për jetën në spitalin e Lushnjës.
DETAJE:
Në vijim të punës për zbardhjen e plotë të ngjarjes së ndodhur në fshatin Pluk, Lushnje, ku shtetasi Arion Canaj për motive të dobëta ka tentuar të vrasë me armë zjarri shtetasin A.Z, pas një pune të mirëorganizuar dhe kërkimi të pandërprë nga efektivët e Seksionit të Policisë Kriminale në Komisariatin e Policisë Lushnje, në fshatin Sopës, Divjakë, është bërë e mundur kapja dhe arretimi në flagrance i shtetasit të shpallur në kërkim policor: -Luis (Elis) Daka, 33 vjeç, banues në Pluk, Lushnje.
Ky shtetas është autor i dyshuar për kryerjen e veprave penale “Kanosja”, “Prishja e rendit dhe qetësisë publike”, ”Mbajtja pa leje e armëve luftarake dhe monicionit” si dhe “Verpime që pengojnë zbulimin e së vërtetës” parashikuar nga Nenet 84, 274, 278 e 301 të Kodit Penal. Në cilësinë e provës materiale është gjetur dhe sekuestruar arma e zjarrit tip automatik model 56. (J.V/Shuplaka)
