Kanë detaje të reja nga ngjarja e rëndë që ndodhi në Lushnjë ku babai plagosi me thikë djalin dhe gruan pas një sherri në familje.
Sipas “Fax News” ngjarja ka ndodhur në fshatin Dushk. Mësohet se 45-vjeçari prej disa kohësh mjekohej nga pasi kishte çrregullime mendore. Po kështu ai konsumonte edhe pije alkolike vazhdimisht.
Shkak i konfiktit mësohet se është një bisedë e çastit teksa 45-vjeçari i ka kërkuar që gruaja e tij t’i jap lekë por ajo nuk ka pasur. Menjëherë ai e ka qëlluar me thikë, por ka ndërhyrë djali për ta ndaluar dhe ka qëlluar edhe atë.
DETAJE:
Specialistët për Hetimin e Krimeve në Komisariatin e Policisë Lushnje, arrestuan në flagrancë shtetasin Shpresim Gj., 45 vjeç, banues në Dushk, Lushnje.
Sipas burimeve, arrestimi i këtij shtetasi u bë pasi në banesë, për motive të dobëta ka qëlluar me thikë bashkëshorten, shtetasen M.Gj, 43 vjeçe, dhe djalin e tij, shtetasin M.Gj, 18 vjeç, duke j’u shkaktuar dëmtime të lehta.
Ata kane marre ndihme ne spital dhe ndodhen jashte rrezikut per jeten.
Materialet i kaluan Prokurorisë pranë Gjykatës së Shkallës së Parë Lushnje për veprën penale “Dhunë në familje”. (J.V/Faxweb)
