Rreth orës 19:30, në lagjen “5 Maji” të qytetit të Elbasanit, ka ndodhur një konflikt ku si pasojë ka mbetur i plagosur me thikë shtetasi Albert Berati, 32 vjeç.
Sipas policisë, autori i dyshuar i kësaj ngjarje është shtetasi Fadil Sinani, 54 vjeç, i cili është vënë në pranga nga policia.
Në cilësinë e provës materiale është sekuestruar edhe thika . I plagosuri ndodhet në spitalin kirurgjik të Elbasanit, nga ku mësohet se ndodhet jashtë rrezikut për jetën. Ende nuk dihen motivet e konfliktit.
Njoftimi i Plotë:
Elbasan/ Informacion paraprak
Më datë 09.06.2022, në lagjen “5 Maji”, Elbasan, në rrethana ende të paqarta dyshohet të jenë përfshirë në një konflikt për motive të dobëta shtetasit F. S., 54 vjeç, R. S., 24 vjeç, H. S., 61 vjeç, H. S., 22 vjeç dhe A. B., 33 vjeç.
Si pasojë e konfliktit ka mbetur i dëmtuar me mjet prerës (thikë) shtetasi A. B., 33 vjeç, i cili u dërgua menjëherë në Spitalin Rajonal Elbasan për mjekim dhe ndodhet jashtë rrezikut për jetën.
Autori i dyshuar i kësaj ngjarje, shtetasi F. S., 54 vjeç si dhe palët e tjera të përfshira në konflikt u shoqëruan në ambientet e Komisariatit të Policisë Elbasan.
Grupi herimor po punon për sqarimin e plotë të rrethanave të ngjarjes.
Discussion about this post