DETAJE nga të shtënat me armë te rruga “Bardhyl”, dëshmitarët: U qëllua nga makinë në makinë

Nga ngjarja që ndodhi mbrëmë në rrugën “Bardhyl” ku pati të shtëna me armë zjarri kanë dalë detaje të reja.  Dëshmitarë nga vendi i ngjarjes thonë për “Panorama”, se të shtënat kanë ndodhur mes dy automjeteve ku është qëlluar nga makina në makinë. Ndërsa policia thotë që të shtënat janë shënuar në ajër.

DETAJE:

Më datë 26.09.2017, rreth orës 22:25, në Numrin e Emergjencave 112 ka ardhur një telefonatë për të shtëna me armë zjarri në rrugën “Bardhyl”.

Në vendngjarje kanë mbërritur shërbimet e policisë, ku nga verifikimi paraprak ka rezultuar se :

Në rrugën “Bardhyl”, ka patur të shtëna me armë zjarri në ajër.

Në vendin e ngjarjes janë gjetur 5 gëzhoja dhe deri tani nuk ka persona të lënduar.

Janë shoqëruar 7 persona në ambientet e policisë për verifikim dhe sqarime të mëtejshme.

Po vazhdon kontrolli i territorit dhe po punohet nga ana e grupit hetimor për sqarimin e plotë të rrethanave të ngjarjes.(J.V/Shuplaka)