Detaje të reja janë zbardhur lidhur me Marjan Levantin, autorin e plagojes së 3-fishtë disa ditë më parë në kryeqytet. Një ditë më parë u bë me dije se në kushtet e depresionit, ai kishte tentuar t’i jepte fund jetës pas mesnate, rreth orës 01:20.
Ka qenë roja i burgut i cili arriti të ndalonte në kohë Marjan Levantin, i cili kishte prerë batanijen në shirita për ta lidhur më pas në hekurat e qelisë ku edhe do të varej. Referuar një portali online, mësohet se pasi është ndaluar në kohë, Marjan Levanti nuk ka thënë asnjë fjalë.
37-vjeçari që kishte pësuar një shok psikologjik, është tentuar të merret në pyetje nga oficerët për të shpjeguar arsyen e ngjarjes, por ai ka zgjedhur të heshtë. Bëhet e ditur se ai vetëm qante gjatë gjithë kohës dhe nuk ka folur as në prezencë të psikologes. (XH.A/SHUPLAKA)
