Vetëm pak ditë më parë u gjet i vdekur në një dhomë hoteli në Tiranë një 50 vjeçar shqiptar. Sipas policisë viktima është Ardian Laze, i cili ishte akomoduar prej dy ditësh në hotelin që ndodhet në bulevardin “Zogu i Parë”, në kryeqytet. Ai u gjet i vdekur në dhomën e hotelit nga personeli i hotelit dhe është konstatuar se klienti nuk kishte shenja jete.
Sipas “Panorama” burime nga grupi hetimor thanë se nga veprimet paraprake dyshohet se vdekja ka ardhur nga shkaqe natyrale, pasi nga këqyrja e trupit nuk janë konstatuar shenja dhune. Trupi i pajetë është dërguar në Institutin e Mjekësisë Ligjore dhe pritet ekspertiza për të përcaktuar shkakun e vdekjes.
Po kështu deri më tani thuhet se Ardian Laze ka pasur probleme kardiake dhe ai është gjendur 3 orë pasi kishte vdekur. Sjellim në vëmendje që në vitin 2005 Ardian Laze ka vrarë bashkë me një persona tjetër Arben Hoxhën. (J.V/Shuplaka)
