Janë zbardhur disa detaje nga ngjarja e Vlorës, ku një trup i pajetë dhe i dekompozuar i një personi është gjetur mëngjesin e sotëm në një breg pranë Zvërnecit.
Mësohet se policia është duke hetuar në dy pista, atë që trupi i përket ndonjë peshkatari të mbytur, ose viktimë e trafikut të drogës.
Duhet të theksojmë që disa ditë më parë këtu policia zbuloi një ngarkesë droge e cila u sekuestrua dhe Portonova e Zvërnecit njihet si vendi nga ku ngarkohen drejt Italisë, gomonet me kanabis sativa, dikur me klandestinë.
Të dhënat e dukshme tregojnë që trupi i përket një mashkulli dhe veshur ka pantallona xhinse blu. Ekspertet tregojnë se dekompozimi është i madh dhe besohet që vdekja mund të ketë ndodhur tre katër muaj më parë, shkruan një portal online.
Në Policinë e Vlorës ka denoncime për zhdukje të personave, dhe po bëhen verifikimet për çdo rast. (J.V/Shuplaka)
Discussion about this post