Në pritje të ekspertizës nga laboratori shkencor për armët e sekuestruara pas vrasjes së Santago Malkos, burime për Faxweb.al bejnë me dije se jo vetëm mjeti i djegur ishte denoncuar i vjedhur por edhe targa. Burime bejnë me dije se targa e makinës së djegur është AA 434 LX.
Mësohet se pikërisht kjo targe është denoncuar e vjedhur në muajin Mars të këtij viti, në zonën e Krujës. Po ashtu e vjedhur rezulton edhe makina tip Mercedez Benz e gjetur e djegur, e denoncuar si e vjedhur në zonën e Lezhës
Grupi hetimor ka ngritur pistat e para të hetimit dhe ka shpallur deri më tani si të dyshuar personin D. A., i cili rezulton me precedentë penalë në fushën e narkotikëve dhe armëmbajtjes pa leje.
Ndërkohë, brenda mejtit tip “Mercedes” i cili u gjet i djegur në fshatin Ferraj, është gjetur edhe një armë, e cila dyshohet se është përdorur nga autorët për vrasjen e të riut.
Santiago Malko, ish-punonjës policie u vra brenda mjetit të tij tip BMWX5, mbrëmjen e 27 Gushtit 2019 rreth orës 22:20. Bëhet e ditur se 26-vjeçari ka qenë në lëvizje me mjetin e tij, teksa është qëlluar me kallashnikov, e më pas ka humbur kontrollin e mjetit duke u përplasur me një mur anës rrugës.
Paraprakisht, thuhet se ai ka njohje me një grup kriminal në Tiranë, ndërsa në vitin 2016 është përfshirë në një konflikt me dy vëllezër.
Discussion about this post