Detaje nga vrasja në Fier/ Viktima dhe i plagosuri me aktivitet të dyshuar, çifti Muçi kishte një djalë në Meksikë

Grabitësit të cilët tentuan të vidhnin me armë banesën e Minella Muçit në Fier, dyshohet se kishin bashkëpunuar prej kohësh me njëri-tjetrin.

Ndërkohë dyshohet se të pakten një prej tyre është nga Fieri, i cili ka orientuar shokët e tij se në banesen e Minella Muçit mund të ketë pasur një sasi të konsiderueshme parash.

Nga burime të ‘Fax News’ mësohet se grupi hetimor është duke verifikuar të gjitha pistat e mundshme, por kryesorja vazhdon të mbetet ajo e tentativës së vjedhjes.

Ndërkohë, nisur nga rindërtimi i ngjarjes dhe hetimet paraprake eshte konkluduar se çifti i të moshuarve Muçi nuk kanë pasur sende me vlerë apo shumë të madhe parash në banesë, pavarësisht se grabitesit dyshohet të kenë pasur informacion se djali i Minellës i cili jeton në Meksikë mund të kishte kryer ndonjë transfertë valute.

Nga verifikimi i të kaluarës së dy prej grabitësve, Xhuliano Sollaku që mbeti i vrarë gjatë shkembimit të zjarrit me polici edhe Arben Muçaj i cili u plagos, është konstatuar se ata kanë pasur prej vitesh aktivitet të dyshimtë. Gjithashtu, mësohet se është konkluduar paraprakisht se ata janë anëtarë të nje grupi qe dyshohet se ka kryer vjedhje me armë e vepra të tjera penale edhe në qytete të tjera të Shqiperise.

Hetuesit kane ngritur dyshimet se grabitësit bashkëpunonin gjithmonë me banorë të qyteteve ku kryenin vjedhjet.

(E.K/FAXWEB)