Vazhdojnë hetimet për zhdukjen e amabsadorit grek në Brazil. Policia e Rio de Zhaneiros së fundmi ka gjetur një trup të pajetë brenda një makine të djegur, e cila ishte marrë me qira nga ambasadori grek në Brazil, Kyriakos Amiridis. 59-vjeçari rezulton i zhdukur prej tre ditësh pasi udhëtoi drejt Rios nga Brasilias, për festimet tradicionale të Vitit të Ri në plazhin e Kopakabanas.
Sipas BBC ambasadori është parë për herë të fundit të hënën në qytetin e Nova Iguacu në periferi të Rio, ku u gjet makina. Po kështu raportohet nga BBC se makina e ambasadorit u zbulua nën një mbikalimi në një nga rrugët kryesore që të çojnë në Rio.
Pritet që ekspertët të përcaktojnë identitetin e kufomës së gjetur. Lajmi i fundit që i ka dhënë ambasadori familjes së tiji eshtë që ditën e hënë kur ai i kishte telefonuar së shoqes nga një apartament në Nova Iguacu, duke i thënë se po bëhej gati të dilte. Që prej këtij moment prej tij nuk pati më asnjë lajm. Policia beson se nuk bëhet fjalë për rrëmbim, pasi askush nuk ka kërkuar shpërblim në këmbim të jetës së diplomatit.
Rio ka një normë të lartë të krimit dhe incidente të dhunshme nuk janë të pazakonta, sidomos në sezonin e zënë në mes Krishtlindjeve dhe Vitit të Ri, kur qindra mijëra turistë udhëtojnë në qytet. Megjithatë, dyshohet se ambasadori mund të ketë rënë pre e grabitjes, duke marrë shkas edhe nga zona ku është gjetur mjeti me trupin e djegur. Ndërkohe, duke folur per mediat greke, zv/ministri i jashtëm Jani Amanatidis deklaroi se nuk ka një konfirmim zyrtar nëse trupi i përket ambasadorit grek.(J.V/Shuplaka)
[ngg_images source=”galleries” container_ids=”461″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
