Policia italiane ka publikuar detaje për vrasjen e shqiptarit 30 vjeçar dy ditë më parë. Sipas policisë shkak për vrasjne e tij është bërë një femër, pra si një rivalitet mes të rinjve për një vajzë.
Sipas të dhënave, viktima është identifikuar si Andrea Lucaj, 30 vjeç. “La Stampa”, që u referohet burimeve hetimore, shkruan se vrasja e shqiptarit dyshohet se është një larje hesapesh mes rivalëve për dashurinë ndaj së njëjtës vajzë.
30-vjeçari që banonte në Rufina, në provincën e Firences, u ekzekutua me pistoletë ndërsa ishte në makinën e tij, e parkuar në një shesh në Cavallermaggiore (komunë në provincën Cuneo, në Piemonte).
Po kështu në makinë me viktimën ishte edhe një një tjetër shqiptar, i cili mbeti i plagosur ne kokë. Ai është një 25- vjeçar, emri i të cilit ende nuk është bërë i ditur, që mori një plumb në kokë dhe ndodhet në gjendje të rëndë në spital. (J.V/Shuplaka)
Discussion about this post