Për krimin e rëndë që ka ndodhur në familje ku djali 28-vjeçar ka vrarë me çekiç babain e tij kanë dalë detaje të reja. “Fax News” raporton se kanë qenë fqinjët ata që kanë lajmëruar fillimisht policinë. Por pas mbërritjes së focave të policinë djali ka pohuar se nuk e dinte se ku ndodhej babai por policia dyshoi për vrasje pasi në oborrin e shtëpisë u gjetën njolla gjaku të 74-vjeçarit. Por pas pyetjes së policisë ai ka treguar se e ka vrarë babain me çekiç duke e gjuajtur në kokë dhe në pjesë të tjera të trupit disa herë.
Po kështu edhe vëllai i tij A.Aliaj ka denoncuar në polici për krimin e rëndë. Menjëherë është arrestuar 28-vjeçari Selman Aliaj, 29-vjeç nga Shkoza dhe pas dëshmisë së tij filluan kërkimet edhe në liqenin e Farkës ku pëlumbarët pas disa orësh gjetën trupin e pajetë të të moshuarit. Krimi i rëndë ka ndodhur dy ditë më parë dhe është mbajtur i fshehtë nga familjarët.
“Fax News” raporton se pasi e ka vrarë babain Selman Aliaj e ka transportuar trupin me makinë tip “Volkswagen” në liqenin e Farkës. “Vrasje për shkak të rrethanave familjare”, është akuza që rëndon mbi të riun që vrau babain. 28-vjeçari vuan edhe nga problemet mendore. Policia ka sekuestruar në vendin e ngjarjes çekiçin me të cilin dyshohet se është kryer vrasja. Familja ku ka ndodhur krimi është një familje e varfër dhe se kjo mund të ketë qenë shkaku i sherrit. (J.V/Faxweb)
