Kanë dal detaje të reja nga atentati i prokurorit Arjan Ndoja. Dyshohet se makina e përdorur nga autorët është vjedhur në Kavajë dhe dyshohet që autorët të jenë nga Lushnja.
Pak ditë më parë u raportua se target e makinës të cilën kanë përdorur autorët i janë vjedhur makinës së një shtetasje nga Tirana me inicialet V.Gj e cila edhe është marrë në pyetje.
Si ndodhi atentati ndaj prokurorit Ndoja:
Rreth orën 17:30 të datës 1 nëntor, një atentat ndodhi tek mbikalimi i Shkozet kun ë makinë ndodheshin Arjan Ndoja, Land Muharremi i njohur si “Rrumi” dhe shoferi i Ndojës, Andi Maloku.
Sipas Policisë, ndaj makinës me targa AA 333 ZD, është qëlluar me armë zjarri ku për pasojë është plagosur dhe ndodhet jashtë rrezikut për jetën prokurori Arjan Ndoja, dhe Landi Muharremi njohur ndryshe si Aleksandër Laho 48 vjeç.
Ndërsa Andi Maloku, shoferi i prokurorit Ndoja është i vetëdijshëm dhe ka plumba në të dyja anët e mushkërive, ai vijon të jetë nën vëzhgimin e mjekëve, ndërsa është i paralizuar në pjesën e poshtme të trupit, për shkak se ka marrë një plumb në zonën e shtyllës kurrizore.
Maloku ishte personi i cili i shpëtoi jetën prokurorit Ndoja, pasi pavarësisht se makina me të cilin udhëtonte ishte me një shpejtësi mjaft të madhe, manovrat e tij bën që tre të plagosurit ti shpëtonin vdekjes.
(K.H/faxweb.al)
Discussion about this post